Тываның эң баштайгы төвү – Самагалдай тургустунганындан бээр бо чылын 250 чыл оюн демдеглээр. Амгы үеде ук суур 100 чылдап турар Тес-Хем кожуннуң төвү.
Чыргаланды сумузунда фельдшер-акушер пунктузунуң тудуу 70 хуу белен. Амгы үеде инженер системалар эптээр талазы-биле ажылдарны чорудуп турар.
ТР-ниң Кадык камгалал яамызының дыңнадып турары-биле алырга, «Кадык камгалалы» национал төлевилелдиң боттанылгазы-биле туттунуп турар медицина черинде ажылдар графикти мурнап чоруп турар.
Ук яамы Самагалдайның болгаш Тес-Хем кожууннуң юбилейлериниң бүдүүзүнде чыргалаңдыжыларга, шынарлыг бирги эмчи дузазын чедиреринге бүгү-ле таарымчалыг байдалдар тургустунган, чаа фельдшер-акушер пунктузун ажыглалче киирер дээш, тудуг ажылдарын шыңгыы хыналдага алган.
