Улуг-Хем кожууннуң Белдир-Кежиинге Россияда чарлаттынган Өг-бүле база Тывада Кадыкшылга чылынга тураскааткан «Чыжыргана – чаагай чем» деп республика чергелиг бирги этнофестиваль болуп эрткенин ТР-ниң Культура яамызы дыңнаткан.
Тываның Алдан-Маадыр аттыг Национал музейниң директору Каадыр-оол Бичелдей фестивальдың киржикчилеринге болгаш аалчыларынга байырын чедирген.
«Белдир-Кежии» этно-культурлуг музейниң девискээринге алдын сарыг каттан аъш-чемни, эм-домнуг хандыларны делгеп, садып-сайгарган. Ол ышкаш чыжырганадан чем кылыр мастер-класстарны, “Чыжыргана модада” чогаадылга мөөрейин эрттирген.
Чогаадыкы мөөрейге Каа-Хем кожууннуң Суг-Бажы школазының «Кожамыктар» ансамбли эң тергиин болуп, бирги черге төлептиг болган. Удуртукчузу А.М-К. Монгуш.
Бирги шуулганның тиилекчилеринге өртектиг белектерни болгаш акша сертификаттарын тывыскан.
Чыжыргананың эм-дом шынары тываларга шаандан бээр билдингир чораан. Бо үнүштүң хандызын сыскырып ап, үзүн кештиң балыг-бышкын аарыгларын, өртеңнерни чаап эмнээринге ажыглап келгеннер. Ижин-шөйүндүзү аараан кижилерге чыжыргана хандызын өйлеп ижиртир турган.
Знамя эскадрона тувинских добровольцев передано Тандинскому району
Накануне, 5 апреля, на мосту реки через Элегест вблизи с. Чал-Кежиг Чеди-Хольского района прошла церемония передачи знамени тувинских добровольцев от Чеди-Хольского района Тандинскому.