Тыва Республиканың Дээди Хуралының Даргазы Кан-оол Даваа , парламент хорааларының даргалары Аяс Санчат, Эрес Хуурак, тускай шериг операциязының талазы-биле парламент даргазының бүрүн эргелиг төлээзи Маадыр Успун олар Россияның Айыыл чок чорук албанының Тыва Республикада Кызыгаар эргелелинге квадрокоптер, дүне көөр херексел болгаш бир түү эмчи дериг-херекселдери дамчыдып берген.
Бо бүгү дериг-херекселдерни Кызыгаар эргелелиниң тускай шериг операцияда киржип турар кезээнге улаштыр дамчыдар.
– Чүс-чүс кызыгааржылар, ооң иштинде бистиң чаңгыс чер чурттугларывыс дайынчы даалга күүседип – кызыгаар камгалавышаан тускай шериг операцияда киржип турар. Дээди Хуралдың депутаттарындан болгаш аппарат ажылдакчыларындан бо дериг-херекселдер оларга ажыктыг болур дээрзинге бүзүрелдиг бис – деп, Кан-оол Даваа чугаалаан.
Россияның Айыыл чок чорук албанының Тыва Республикада Кызыгаар эргелелиниң начальниги, полковник Владимир Матвеев шериглерге ачы-дуза болур дериг-херекселдерни чедирип бээр деп турары дээш, четтиргенин тыва парламентиниң депутаттары илереткен.
В Туве принимаются меры по стабилизации цен
В условиях роста цен и инфляции в Туве по поручению Главы республики Владислава Ховалыга реализуется комплекс мероприятий, направленных на снижение стоимости социально значимых товаров.