Улуг-Хем кожуундан дайынчы хөделиишкиннер хоочуну Андрей Байыр 2024 чылда социал керээге үндезилээн күрүне деткимчезиниң ачызында хууда дузалал ажыл-агыйын ажыдып алганын чагырга чери дыңнаткан.
Тускай шериг операциязының киржикчизи бажыңының девискээринге ногаа аймаан, картофельди тарыыр дээш, 10 метр узун хемчээлдиг чылыткыны, чер үлдүрертир мотоблокту садып алган.
Эрткен чылын олурткан ногаа биле картофелиниң дүжүдү элбек болган. Бо чылын база огурец, помидор, морковь, арбуз дээш хөй ногааны, картофельди тарып олурткан.
«Бо чылын ногаавыс база эки үнген. Ажылды өг-бүлевис-биле демнежип кылып турар бис. Өөм ишти школада башкы, ол кол-ла уштап-баштаар дузалакчым» – деп, Андрей Байыр ажылын каксы таныштырган.
Торгалыг суурнуң девискээри ногаа-чимис, картофель олуртурунга таарымчалыг, кара хөрзүннүг чер. Аңаа элбек дүжүттү алырының магадылалы улуг.
