ТР-ниң кадык камгалал сайыды Анатолий Югай Бии-Хем кожуунче ажыл-агыйжы сургакчылаашкынының үезинде тускай шериг операциязының киржикчизи, чеди ажы-төлүн чааскаан азырап турар ада Сылдыс Ховалыгның бажыңынга аалдап четкенин яамы дыңнаткан.
Чаа чылдың бүдүүзүнде сайыт Соок-Ирей болуп, медицина каттыжылгазының мурнундан уругларга белектерни сөңнээн.
Өг-бүлениң уругларының үжү школа назы четпээн, үжү школачы, улуу студент. Хөй ажы-төлдүг ада уругларын Чаа чылдың утренниктеринче белеткеп турар.
Сылдыс Ховалыг дайынчы хөделиишкиннер девискээринче үш удаа эки турачылап, мурнуку шугумга тулчуп, Лисичанск хоорайны хостажырынга киришкен.
Амгы үеде дайынчы хөделиишкиннер хоочуну Бии-Хем кожууннуң чагырга черинде ажыл-агый кезээниң удуртукчузу болуп ажылдап турар.
