Тываның Чазаа чер ажылдыгларның даштыкы барааннар солуурун хандырарынга херек экономиктиг ажыл-чорудулга хевирлериниң регионда даңзызын немээр дээн саналын деткээн.
Даштыкыдан бараан киирерин солуур даңзыда бар 28 ажыл-чорудулгага немей чеди угланыышкын кирген. Олар шупту көдээ ажыл-агыйынга – эът болгаш эът аймаан, балыкты болбаазырадыры база консервалаары, үнүш үзүн болгаш мал чаан, сүт продукциязын, далганны, крупаларны, крахмалды, дириг амытаннар белен чемнерин, эзиртпес суксуннарны, минералдыг болгаш ижер суглар бүдүреринге хамааржыр.
Ажыл-чорудулганың ол хевирлеринче инвестицияны киирерин шиитпирлээн сайгарлыкчылар даштыкыдан бараан киирерин солуур продукция бүдүрүкчүлеринге доктааткан чиигелделерни база деткимче хемчеглерин алыр. Чижээ, бодунуң бизнезинге дээш черни садыглажылга чокка база бирги чылында бир рубль түңнүг чиигелделиг ставка-биле, а дараазында ийи чылда – кадастр өртээниң 0,3 хуузу-биле хөлезилеп ап болур.
Республикада көдээ ажыл-агыйынга ажыглаар черлер чедишпес деп чүүл чок. 2022 чылда чоруткан кадастр ажылдарының түңнелдеринден көөрге, Тываның 11 кожуунунда 125 муң гектар черни, ооң иштинде 100,1 муң гектар тараа шөлдерин, 16,8 муң гектар одарларны, 8,4 муң гектар сиген шөлдерин даңзыда алган.
Шимчевес өнчүнүң чаңгыс аай бүрүткелинде ол бүгүнү бөгүнде киирген болгаш, чер ажылдыгларга көдээ ажыл-агыйынга дээш 473 участокту берип болур.
В Баян-Коле прошел фестиваль стрижки верблюдов
В местечке Кызыл-Чыраа сумона Баян-Кол Кызылского района прошел фестиваль стрижки верблюдов.