Дээди Хуралдың Чөвүлелиниң ээлчеглиг хуралынга удуртулга органының кежигүннери эрткен неделяның түңнелдерин үндүрген. Чамдык депутаттарның соңгулда округтарынга чораанын, яамыларга болгаш албан черлеринге ажылдаанын демдеглээн. Олар Афганистандан 40-ги армияны үндүргенинден бээр 35 чыл оюнга тураскааткан хемчеглерге база киришкеннер.
Кол кичээнгейни бо неделяның ажыл-хемчеглеринче угландырган. Бир дугаарында Дээди Хуралдың тоску сессиязының ийиги ээлчеглиг хуралынга белеткелди чугаалашкан. Февраль 21-де эртер хуралга 40 хире айтырыгны чугаалажыр. Оларның эң колунга «Тыва Республика девискээринде ээ чок дириг амытаннар ажаалдазының дугайында» ТР-ниң хоойлузун хамаарыштырар. Хоойлу төлевилелин ийи болгаш үш дугаар номчулгаларга көргеш, хоойлу кылдыр хүлээп алыр.
Бөгүн «Чаңгыс демниг Россия» партиязының депутат фракциязының президиумунуң, даарта – ниити хуралы болур.
Депутаттар болгаш Аппараттың ажылдакчылары Ада-чурт камгалакчыларының хүнүнге тураскааткан хемчеглерге идепкейлиг киржирин, ол ышкаш ээлчеглиг диспансеризацияны эртип алырынче Дээди Хуралдың Даргазы Кан-оол Даваа кыйгырган.
Парламентиниң Чөвүлелиниң кежигүннеринге болгаш Аппарат ажылдакчыларынга хоойлужудулга органының кожууннарга организастап турары Тываның иелериниң ээлчеглиг шуулганынга белеткелди уламчылаарын дааскан.
Чөвүлелдиң хуралынга өске-даа парламент ажылдарын чугаалашкан. Дээди Хуралдың неделя планын бадылаан.
Как будут работать поликлиники и больницы в майские праздники
Медики Тувы находятся на страже здоровья 24 часа в сутки.