Бɵгүн тускай шериг операциязынга кɵргүскен маадырлыг чоруу база эрес-дидими дээш Кызылда 55-ки тускай мото-адыгжы (даг) бригаданың миномет батарея башкарар взводунуң командири Шолбан Дарымажаа Тыва Республиканың Дээди Хуралының (парламентизиң) медали-биле шаңнаткан.
Медальды Дээди Хуралдың Айыыл чок чорук, корум-чурум болгаш кызыгаар чоогунуӊ айтырыгларыныӊ талазы-биле комитединиң даргазы Эрес Хуурак тывыскаш, шеригжиге парламентиниң мурнундан четтиргенин илереткен.
Оон аңгыда, Дээди Хуралдың депутаттары дайынчыларга Мɵңгүн-Тайга кожуундан какпактаан эъттиң ээлчеглиг партиязын дамчыткан. Үр шыгжаар аъш-чемни мурнуку шугумда шеригжилерге чедирер.
