Украинада тускай шериг операциязында киржип турар шериг албан-хүлээлгелиг дайынчыларны бо кадыг-дошкун үеде деткээн "Кызыл кош" акциязынга Бай-Тайга кожууннуң Шуй сумузу каттышкан.
Херээженнер чөвүлелдиң даргазы Чимисмаа Кончуктуң удуртулгазы-биле хүн дургузунда чарлаттынган акцияга сумунуң бүгү чону бир дем-биле киржип, бирги хереглелдиң барааннарын, аъш-чемни чыгган.
“Демнигде күштүг” деп чүүлдү Шуйнуң ажыл-ишчи чону база катап бадыткаан.
Ачы-буян дузаламчызын чыыр акцияга кожуун, суму бүрүзүнүң эриг баарлыг чурттакчылары идепкейлиг киржип турар.
