Бай-Тайга кожууннуң Кара-Хөл сумузунда Даштыг-Хөлдүң Кара-Суглуг хемни кежир үрелген көвүрүглерниң септелге ажылдары эгелээнин чагырга чери дыңнаткан.
Эрткен хонуктарда чер-черлерде оңгарланган малгаштыг оруктарны трактор-биле сайлап, дескилээр ажылдар чоруттунган. Үстүкү көвүрүгнү бускаш, Боом-Адаа деп черде көжүрүп чедиргеннер.
ТР-ниң Дээди Хуралының депутады У.А. Иргит, суму баштыңы У.Д. Дажы, кожуун депутады А.Ч. Монгуш база Даштыг-Хөл, Сукпак округундан депутат У.Х. Ангыр-оол олар ажылды удуртуп, чонну эвилелдээннер.
Даштыг-Хөлдүң чурттакчы чону улуг үүле-херекти эгелеп турар удуртукчуларга, депутаттарга өөрүп, боттары база тудуг ажылдарынга киришкеннер. Херээжен улус ажылданган эр чонну изиг чем-биле ашкарып-чемгерген.
Тайга эдээ чер болгаш чери дон, сай, даш казары берге, шаптараазыннарлыг болуп турары-биле ажылды ам-даа уламчылаарын ажыл-ишчи чон шиитпирлээн.
