Тываның күш-ажыл болгаш социал политика сайыдыЭдуард Сандан Каа-Хем кожууннуң Дерзиг-Аксы суурда дазылга бажыңында тудуг ажылдарын хынап көргенин яамы дыңнаткан.
Амгы үеде объектиде тудуг ажылдары 57,5 хууга күүсеттинген. Дазылга бажыңының тудуунуң хүлээникчи организациязы – "Бастион" кызыгаарлыг харыысалгалыг ниитилел. Ында 24 шактың онлайн-видеохайгаарал системазын тургускан.
Хамаатыларны болгаш кадыкшылының байдалы-биле харык-шинээ кызыгаарлыг хамаатыларны хайгаарап-чурттадырынга көрдүнген албан чери 180 оруннуг болур. Төлевилелди 2023-2026 чылдарда күүседир кылдыр санаан.
Интернаттың социал ачы-дуза алыкчыларының негелделери езугаар таарымчалыг байдалдарны хандырар. Корпустарда аңгы арыгланыр черлиг, ийи орун салыр өрээлдерни тускайлаан болур. Иттинер тергелиг инвалидтер секциязында буфет өрээлдери база турар. Административтиг оран-савада көрүкчүлер залы, кино көөр чер, номчуттунар черлиг ном саңы, бөлгүмнер болгаш хөгжүм кичээлдеринге, диш болгаш херээженнер эмчилеринге өрээлдерни тускайлаар, сенсорлуг өрээл база бар болур. Эмнээшкинниг күш-ажыл мастерскаяларынга аңгы шөлдерни дериир.
Айдыс Сынаа встретился с сотрудниками ЧВК и членами их семей
Накануне в филиале Госфонда «Защитники Отечества» по РТ и.о. заместителя председателя Правительства РТ Айдыс Сынаа организовал прием сотрудников частной военной компании и членов их семей.