Чөөн-Хемчик кожууннуң девискээринде Бора-Булак ховузунга болуп эрткен республика чергелиг XXX аът чарыжынга Улуг-Хемниң чүгүрүктери шаңналдыг черлерже кирген.
Он беш километрге дөрт хардан улуг челер аъттар салыында бир дугаарында Улуг-Хем кожуундан Ай-Демир Домбааның малы келген. Байза алган аъттың ээзи шаңнал кылдыр бир аскыр, 29 кызырак аътты алган.
Шаңналга алган кежиин Домбааларның өг-бүлези чону-биле үлежир деп сүмелешкен. Торгалыг сумузунуң хөй ажы-төлдүг өг-бүлелеринге беш кызыраан үлеп, ачы-буянын чедиргеннер. Белек кылдыр кызырак алган өг-бүлелер Домбаа адашкыларга өөрүп четтиргенин илереткеннер.
Торгалыгның кончуг дээн чүгүрүктериниң ээзинден улуг белек сөңүн алган оолдар кызырактарын өстүрүп, чүгүрүк аъттарның санын улам көвүдедир сорулганы салганнар.
УФАС Тувы признало рассылку рекламных сообщений о займах ненадлежащей
В конце января в УФАС Тувы обратилась жительница Кызыла.