Бай-Тайга кожууннуң Кара-Хөл суурже баар орукту суг чире шаап каапканы-биле, 9 биле 11 класстың доозукчуларын Тээли суурда шылгалда эртер пунктуларже вертолет-биле чедирер.
Кызыл-Даг школазының бир доозукчузу июнь 14-те болур 9 класстың ээлчеглиг шылгалдазын дужаар пунктуже чедип шыдавас. Ол болуушкуннар эвес болза, школачыларның күрүнениң түңнел аттестациязы эки эртип турарын, Тываның Өөредилге яамызы дыңнаткан. Албан чери штаттан дашкаар байдалдарда Хамааты камгалал болгаш онза байдалдар херектериниң талазы-биле албаны, Орук-транспорт яамызы-биле кады ажылдап, школачыларның аай-дедир аргыжылгазын онза хыналдага алган.
Республиканың чамдык кожууннарында чедери берге суурлар доозукчуларын шылгалда дужаар черлерге чедир суг оруу-биле чедип турар. Уруглар төрелдеринге азы эрге-чагырганың кожуун төптеринде тускайлаан аалчылар бажыңынга үе шаанда тургустунуп алырын Тываның Өөредилге яамызы организастаан.
Тываның чогуур оперативтиг албан черлери-биле дугурушкаш, оларның хыналдазы-биле шылгалда дужаар уругларны суг оруктап чедирип турар.
Россияның Онза байдалдар яамызының Тывада Кол эргелелиниң биче хемчээлдиг хемелер талазы-биле күрүне инспекциязының база ТР-ниң Хамааты камгалал болгаш онза байдалдар херектериниң талазы-биле албанының деткимчези-биле, Эйлиг-Хем суурдан шылгалда дужаар уругларны Улуг-Хемни кежир чедиржип турар. Кожуун төвү-биле суур чонун харылзаштырган паром суг көдүргенинден ажылдавайн барган, суурже орукту суг үрээн.
Жители Тувы проверили свои знания в онлайн-зачёте по финансовой грамотности
Более 2,9 тысячи жителей Тувы приняли участие во Всероссийском онлайн-зачёте по финансовой грамотности.