Ак-Довурак хоорайның «Мишутка» уруглар садында дош чуңгу ажыттынганын школа назыны четпээн уругларның өөредилге албан чери дыңнаткан.
Уруглар сады дош чуңгунуң байырлыг ажыдыышкынынга тураскаакан өг-бүлениң хөглүг старттарын база чаштар аразынга хоккей маргылдаазын эрттирген.
Чаштар ада-иези-биле кады дески болгаш тайгыр дошка чуңгулап, кышкы хөглүг оюннарга киржип, эң тергиин команда – өг-бүле деп бадыткааннар. Долбанныг чаактарлыг киржикчилерниң өткүт каткызы чаңгыланып турган.
Келир үениң сылдыстары, белеткел бөлүүнүң кижизидикчилери езулуг-ла хоккей тулчуушкуннарын көргүскен.
Бирги черни 12, ийиги черни 10, үшкү черни 7 дугаар бөлүктерниң бичии хоккейжилерни чаалап алган. Ол ышкаш тускай шаңналдарга төлептиглерни демдеглээн. Уруглар бөлүүнүң оолдарын деткип турган.
