Тывада «Сорунза» төлевилелдиң амыдыралда боттанылгазын уламчылап турар. Ук төлевилелдиң чорудуу-биле биче суурларда клубтар тудуглары шапкынчып, көдээ чурттакчыларның культура-дыштанылга төптери апарган.
Кызыл кожууннуң Ээрбек сумузунда «Сорунза» төлевилели-биле амгы үениң көдээ клувун тудуп турар. Амгы үеде культура объектизиниң ханаларын тудуп үндүрүп эгелээнин чагырга чери дыңнаткан.
1947 чылда 80 олуттуг клубка ийи аал чурттар бажыңны аңгылаан турган. Ээрбекчилер чаңгыс эвес удаа культура албан чериниң тудуунуң дугайында айтырыгны көрүрүп келген. Тываның Баштыңы Владислав Ховалыг болгаш Культура яамызының деткимчези-биле Ээрбекке удавас чаа клуб ажыттынар.
«Сорунза» төлевилелдиң культура бажыңнарын чаңгыс дөзевилел хевири-биле тудуп турар. Ында ном саңын база 120 олуттуг көрүкчүлер залын киирген.
