Каа-Хем кожууннуң Сарыг-Сеп сумузундан тускай шериг операциязының киржикчизи Дмитрий Шагдырның чырык адын мөңгежидип, тураскаал самбыраны ажытканын чагырга чери дыңнаткан.
Эки турачы, салбыр командири, курлавырда сержант Сарыг-Септиң уругларның чогаадылга төвүнге немелде өөредилге башкылап, техниктиг угланыышкынны сайзырадып, 19 чыл ажылдаан. Ооң өөреникчилери чаңгыс эвес удаа аңгы-аңгы мөөрейлерге тиилелгелиг черлерни ээлеп турганнар.
Дмитрий Шагдыр 2022 чылда «Барс-20» отрадының составы-биле дайынчы хөделиишкиннер девискээринче аъттанган. Тускай шериг операциязының баштайгы эки турачыларының бирээзи коргуш чок дайынчы албан-хүлээлгезин эрес-дидими-биле күүседип тургаш, амы-тынындан чарылган. Маадырны «Эрес-дидим чоруу дээш» орден-биле мөчээн соонда шаңнаан.
Тураскаал самбыраның ажыдыышкынынга келген аалчылар, маадырның чоок кижилери, дөргүл-төрели, башкылар, аныяк чаңгыс чер-чуртуунуң дугайында чылыг сактыышкыннарны кылган.
Сарыг-сепчилер өзүп орар салгалды кижизидеринге улуг үлүг-хуузун киирген база төрээн чурттунга бараан болган эки турачы башкызынга кезээде чоргаарланып, ооң маадырлыг чоруун утпас.
Владислав Ховалыг поздравил работников СМИ с 65-летним юбилеем Союза журналистов Тувы
Сегодня Глава Тувы Владислав Ховалыг поздравил работников СМИ республики с 65-летним юбилеем Союза журналистов Тувы и Всемирным днем телевидения.