Росхереглелхайгааралдың Тыва Республика талазы-биле эргелелиниң удуртукчузу Людмила Салчак республикада эпидемиологтуг байдалдың талазы-биле дыңнадыгны Чазактың аппарат хуралынга илеткээн.
Эрткен неделяның беш хонуунда, январьның 15-тен 19-ка чедир, Covid-19 аарыы 60 хуу эвээжээни демдеглеттинген. Улуг улустан алды кижиде, 17 харга чедир уруглар аразында дөрт кижиде чаа коронавирус халдавыры илереттинген. Дөрт кижи амбулаторлуг эмнээшкинде. Чыдар оруннар саны четчир.
Ооң-биле чергелештир чидиг респираторлуг вирустуг халдавырдан болгаш грипптен аарыыр чорук тос хуу көвүдээн. Эрткен неделяда республикада 1240 кижи чидиг респираторлуг вирустуг халдавырдан база грипптен аараан, оларның аразында 14 хар чедир назылыг 818 уруглар бар.
Кызыл хоорайда чидиг респираторлуг вирустуг халдавырдан база грипптен аарыыры эвээжээнин эмчилер демдеглээн. Чеди хонуктуң мониторингизинден көөрге, чүгле 354 аарыг кижи демдеглеттинген. 14 харга чедир 164 уруг аараан.
Тываның кол санитар эмчизи эпидемиологтуг байдалды көргеш, Тываның өөредилге болгаш социал албан черлеринге халдавырны тарап нептеретпези-биле санитарлыг хемчеглерни хажыт чокка сагыырын сүмелээн.
Российская продукция на прилавках Китая: РЭЦ проведет второй фестиваль-ярмарку «Сделано в России» в Харбине
С 17 по 21 мая в городе Харбин пройдет Вторая фестиваль-ярмарка российских товаров под национальным брендом «Сделано в России».