Росхереглелхайгааралдың Тыва Республика талазы-биле эргелели ТР-ниң Чазаанче киирген оперативтиг сан-чурагайының түңнелдеринден көөрге, эрткен неделяда республикада аарып турарларның саны эвээжеп эгелээн.
Тыва бо эпидемиологтуг сезонда соокка алзыр аарыгларны чүгээр эрткен. Частың бирги хүнүнде, бүгү регионда чидиг респираторлуг вирустуг халдавырдан болгаш грипптен аараан 473 таварылга бүрүткеттинген. Оң мурнунда неделяга деңнээрге, 19,3 хуу баткан. Неделяда эмнелгеге чыттырган кижилерниң саны барык 11 хууга, азы 25 кижи чедир кызырылган.
Декабрьдан тура сезон эгелей бээрге, республика девискээринде грипптен аарааны лабораторияга бадыткаттынган 319 таварылганы бүрүткээн. Аараан ийи кижиниң бирээзинден-не А грипптиң дыка дүрген өскерлир, тодараттынмаан хевирин тыпкан. А ийигилери А/H3N2, азы гонконг гривин 135 кижи аарып эрттирген.
Бо сезонну коронавирус база оюп эртпээн. Марттуң 1-ниң хүнүнде республикада ковид халдавырындан аараан чүгле үш таварылга болган. Амгы үеде коронавирустаан аараан ийи кижи стационарлыг эмнеээшкинде, а үш кижи бажыңында эмненип турар. Аараан 50 кижиге санаан орун фондузу хостуг.
В ГД внесли законопроект о праве многодетных мобилизованных досрочно увольняться со службы
Глава комитета Госдумы по защите семьи, вопросам отцовства, материнства и детства Нина Останина и сенатор Айрат Гибатдинов внесли на рассмотрение депутатов законопроект о праве на досрочное увольнени…