Бо чылдың январь 2-ден 8 хүннеринде, республикада ОРВИ болгаш грипптен аараан 609 таварылга бүрүткеттинген, ол-ла үениң чүгле үш хонуунда 1468 халдавыр чыпшынган барымдаа демдеглеттинген.
Росхереглелхайгааралдың Тывада эргелели халдавырлыг аарыглардан аарыыр чорук 61,1 хуу эвээжээнин айыткан.
2022 чылдың декабрь эгезинден республика девискээринде грипптеп аараанын лаборатория бадыткаан 427 таварылганы бүрүткээн, ооң 96-зы хаван гриви болганы илереттинген.
Эмнелгеде чыттырган 193 кижиниң 128-зи 14 харга чедир уруглар болуп турары эпидемиологтарны дүвүреткен. Бо барымдаа назы четпээннерниң ада-иелери база хоойлу езугаар төлээлери бажыңында халдавырлыг аарыглардан камгаланыр хемчеглерже кичээнгей салбайн турарын көргүскен.
Школа назыны четпээн уруглар албан черлери база ниити өөредилге органзациялары аарыг уруглар эш-өөрүнге халдавырны таратпас кылдыр, уруглар база өөреникчилер ортузнда хыналданы хүннүң-не күштелдирер.
Чурттакчы чоннуң 60 хуузун гриппке удур тарыдар планны 63,3 хуу кылдыр ажыр күүсеткенин Росхереглелхайгааралдың Тывада эргелели дыңнаткан. Республиканың чурттакчы чонундан 199227 кижини гриппке удур тараан.
Республиканың эмнелге организацияларында база аптека четкилеринде ОРВИ болгаш грипптиң вирузунга удур камгаланыр чүүлдер болгаш ону эмнээр эм-таңның, дезинфекция бүдүмелдериниң четчир курлавыры бар.
Микрорайон Восток Кызыла на перепутье: За или против автозаправочной станции рядом с домами
В Кызыле состоялись публичные слушания по вопросам градостроительной деятельности.