Каа-Хем кожууннуң Бүрен-Аксы сумузундан тускай шериг операциязының киржикчизи Назын Дозуманың чырык адын тураскаал бижиктиг самбырага мөңгежиткенин чагырга чери дыңнаткан.
Эрес-дидим чорук ордениниң кавалери Назын Дозума коргуш чок дайынчы албан-хүлээлгезин эрес-дидими-биле күүседип тургаш, амы-тынындан чарылган. Кажыыдалдың минутазын чарлаан соонда, тураскаал самбыраны өөнүң ишти биле кады төрээн акызы ажыткан.
Тураскаал самбыраның ажыдыышкынынга келген аалчылар, маадырның чоок кижилери, дөргүл-төрели, башкылар маадыр чаңгыс чер чуртуунуң дугайында чылыг сактыышкыннарны кылган.
Кожуун чагыргазның удуртулгазы маадырның авазынга, чоок кижилеринге каа-хемчилерниң мурнундан мөгейген.
Эрес-дидим, дайынчы даңгыраанга болгаш албан-хүлээлгезинге шынчызын көргүзүп, тайбың дээш амы-тынын харам чокка берген дайынчыларывыстың маадырлыг чоруу төөгүге балалбас исти арттырып, оларның чырык ады кезээ мөңгеде сактыышкын болуп артар.
