ТР-ниң Дээди Судунда Россия Федерациязының Конституциязының хүнүнге тураскааткан хемчеглер уламчылап турарын шүүгү чери дыңнаткан.
Судтуң парлалга секретары Аржаана Ширин-оол аалчыларга экскурсияны эрттирип, судтуң ажыл-чорудулгазы-биле таныштырып турар.
Кызылда президентиниң кадет училищезиниң өөреникчилери Россияның суд системазының тургустунганының болгаш хөгжүлдезиниң төөгүзүн билип алганнар. Ол ышкаш кадеттер судтуң хуралдар эрттирер залдарын сонуургап көрген.
Кызылдың Арыя Алдын-оол аттыг 2 дугаар школазының он бирги классчылары база Дээди Судунда четкен. Оларның аразында юрист мергежилди шилип алганнар хөй болган. Доозукчу класстың өөреникчилери юридиктиг факультетче дужаап кирерин чугаалааннар.
Школачылар шииткекчилерни болгаш суд аппарадының ажылдакчыларын ажылга хүлээп алыр негелделериниң, суд чорудулгазын эрттирериниң дугайында сонуургаан.
