Барыын-Хемчик кожууннуң Эрги-Барлык сумузунда “Чурттаар оран-сава болгаш хоорай хүрээлели” национал төлевилелиниң “Таарымчалыг хоорай хүрээлелин хевирлээри” федералдыг программазы-биле Аныяктар парыгын ажыглалче киирген.
"Тывабизнесконсалтинг" КХН тудуг ажылдарын хүлээнип алгаш, керээде айыттынган хууса езугаар тудуг ажылдарын дооскан. Төлевилел езугаар паркче кирер арканы, дөрт дыштаныр сандайны тургузуп, брусчатканы эптеп салып, бок төгер хааржактарны
салган.
Эрги-Барлык сумузунуң хоочуннар эвилелиниң кежигүнү Татьяна Саая чаңгыс чер-чурттугларын чаагайжыттынган объектини арыг-силигге тударынче кыйгырган.
Эрги-барлыкчылар национал төлевилелдиң ачызында селгүүстеп дыштаныр чаагайжыттынган девискээрлиг болганы ол.
