Тываның муниципалдыг тургузугларының тус чер чурттакчыларынга үер айыыл-халавының чедирген когаралының баш бурунгаар хемчээлин тодараткан. Тываның Баштыңы Владислав Ховалыгның даалгазы езугаар, дажаан суглардан картофель шөлдеринде база чалдарда олурткан ногааларын чидирген чурттакчыларга катап база тарыттынып алыр кылдыр үрезиннерни үлээр.
Тускай үнүүшкүн комиссиязы Сүт-Хөл, Улуг-Хем база Чөөн-Хемчик кожууннарда байдалга боттуг демдекти салыр.
Сүт-Хөлде 80 ажыг хуу дузалал ажыл-агыйлары, азы 3,3 гектар хире чер когарааны илереттинген. Когаралдың ниити түңү 275,0 муң рубльге дең. Он тонна картофель үрезинин саткаш, катап база тарыттырынга дээш үлээн. Ишкин суурнуң чурттакчылары “борщ түүн” алыр.
Чөөн-Хемчик кожууннуң Ийме суурнуң чурттакчыларының база тарып алган ногааларын суг чуй шаап апарган, кожууннуң чагырга чери дузаламчыны көргүскен.
Улуг-Хем кожууннуң Арыг-Үзүү суурга база күштүг чаъс чаап, долу дүшкенинден, тус черниң көдээ ажыл-агый бүдүрүкчүлериниң тараа культуралары когараан. Тускай мергежилдиглер тарылга шөлүн улаштыр ажаап, сыпты быжыглап, кадагалаар талазы-биле сүмелерни чер ажылдыгларга берген.
Новые горизонты для малого и среднего бизнеса в Туве
Центр поддержки предпринимательства Фонда поддержки предпринимательства Тувы активно развивает малый и средний бизнес в регионе, предоставляя уникальные возможности для роста и развития.