Тыва дылдың хөгжүлдезинге күрүне деткимчезиниң эчис сорулгаларын боттандырары-биле ажылчын бөлүктүң ээлчеглиг хуралы болуп эрткенин ТР-ниң Өөредилге яамызы дыңнаткан.
Ажылчын бөлүкче Өөредилге яамызының эргезинде эртем албан черлериниң ажылдакчылары болгаш эртемденнер кирген.
Хуралга 2025 чылдың сорулгаларын тодараткан болгаш, эчис сорулгаларның эртем кезээниң чугула талаларын онзалап демдеглээн. Ооң иштинде тыва дылды нептередири-биле, шинчилел ажылдарын уламчылаары, ооң ужур-утказын бедидер дээш алдынар хемчеглерни ажылдап кылыры, орус-тыва болгаш тыва-орус очулгаларга хамаарышкан айтырыглар, «Тайылбырлыг словарьның» үшкү кезээн чырыкче үндүреринге белеткел дээш оон-даа өске айтырыглар кирген.
Эчис сорулгаларның чамдык чүүлдериниң боттанылгазы нарын байдалда дээрзин хуралга демдеглээн. Чижээлээрге, албан черлерин бижээн чарлал аттарны хевирлеп тургузары. Сөзүглелдерде частырыглар бар барымдаалар хөйү чажыт эвес. Оон аңгыда тыва дылды өг-бүлеге нептередири чугула – кижизидилге айтырыы, мөзү-бүдүш сайзыралы, чугаа культуразы өг-бүледен эгелээр ужурлуг.
Республиканың уруглар садтарында, школаларда, ортумак өөредилге черлеринде тыва дылды Национал школалар хөгжүдер институттуң ажылдап кылганы программалар езугаар өөредип турарын сагындыраал. Оон аңгыда кичээлден дашкаар ажыл-чорудулганың иштинде «Улусчу ужурлар» шактарында база аңгы-аңгы бөлгүмнерде школачыларны езу-чаңчылдарга болгаш тыва дылда өөредип турар.
Почётный донор из Тувы Сай-Суу Ондар совершила юбилейную, 50-ю сдачу крови
Жительница Тувы, обладательница звания «Почётный донор России» Сай-Суу Ондар провела свою юбилейную, пятидесятую по счёту, донацию.