Алдан-Маадыр сумузунуң ортумак школазында үндезин септелге ажылдары кидин түлүк. Сүт-Хөл кожууннуң удуртулгазы тудуг ажылдарын хынап көрген.
Школаны 1973 чылда туткан. Оон бээр өөредилге черинге үндезин септелге чоруттунмайн турган. Школа 350 олутка көрдүнген. Тудуг ажылдарын август беште доозары планнаттынган.
Хүлээникчи тудуг организациязы ийи ай бурунгаар септелге ажылын чорудуп эгелээн. Ук объектиде 15 кижи ажылдап турар. Ажылдар график езугаар чоруп турар. Школаның үндезин септелгезинче федералдыг бюджеттен сес хире сая рубльди аңгылаан.
Тудугжулар школаның сери, дээвиир, шалазын солуп, ханаларны дескилеп, быжыглаан. Бо хүнде батареялар солуур болгаш класстарда иштики шеверлел ажылдары кылдынып турар.
Россияның Президентизиниң эгелекчи саналы база РФ-тиң Чырыдыышкын яамызының күүселдези-биле, школаларга үндезин септелгениң федералдыг программазын боттандырып, бо чылын Тывада 26 школага үндезин септелгени кылырын сагындыраал. Ол ышкаш өөредилге черлериниң материал-техниктиг баазазын чаартыр.
#Чырыдыышкыняамызы #Федералдыгпрограмма #Школаларныңүндезинсептелгези #Сүт_хөлкожуун #Алдан_маадыр #ТМГМедээлер #Тыва #Тывамедээ #Тывадыл #Тывамедиагрупп #Тува #Tuva #TMG #TMGNEWS #Tuvanews
