ТР-ниң Көдээ ажыл-агый яамызының дыңнадып турары-биле алырга, республиканың ажыл-агыйларында 96,91 муң тонна сиген, 5,2 муң тонна тараа арткан. Ол ышкаш 350 килдиң 4720 база 250 килдиң 614 дүрүг сиген бар. Кожууннарның хуу сайгарлыкчылары бир кил суланы 14-16 рубль акшага садып турар.
Эрзин кожуунда харның кылыны 45-50, чамдык черлерде 60 сантиметр чедип турар болгаш, одар-белчиирлерни далбыйлаарын хүннүң чыгыы кылып турар. Чагырга чери кожуун бюджединден ол ажылдарга 700 литр кывар-чаар чүүлдү садарынга 57400 рубльди үндүрүп, сумуларже хувааган. Кожууннуң кывар-чаар чүүл курлавырының 70 хуузу чарыгдаттынганындан, кыштаглаашкын төнчүзүнге чедир чугула хереглелде чүүл ол дээрзин кожуун чагыргазы дыңнаткан.
Малды тургуза азырап турарындан, мал чеминиң курлавыры сыыгаан. Муниципалдыг курлавыр фондузунда 16,8 тонна сиген арткан. Республиканың курлавыр фондузундан 15 тонна суланы, 5 тонна оодурбаны сөөртүп эккелген турган, ам 8 тонна сула, 4,5 тонна одурба арткан.
Чурттакчы чон 450 килдиң 68 дүрүг сигенин немей садып алган.
Эрзин кожууннуң алды сумузунда 290 малчын турлаг бар. Качык, Нарын, Булуң-Бажы, Бай-Даг суурларның 175 малчын коданнарынче орукту тырттып, одар-белчиирни далбыйлаарынга немей үш муң литр кывар-чаар чүүл херек.
Кожууннуң мал ажыл-агыйларындан кирген чагыглардан алырга, ам-даа 500 дүрүг база 175 тонна сиген негеттинип турар.
Путин выступил со срочным обращением
В ходе обращения Президент заявил о применении против РФ дальнобойного оружия Запада, а нанесение ударов по территории РФ западными дальнобойными ракетами придало конфликту на Украине черты глобально…