Эрзин кожууннуң 80 чыл ою база Тываның Чогаалчылар эвилелиниң кежигүнү, Тыва Республиканың культуразының алдарлыг ажылдакчызы база Буян-Бадыргы Орденниң III чадазының эдилекчизи, мөөрей төлевилелиниң автору, Алдын-кыс Комбунуң 75 харлааны таварыштыр «Эрзинимни алгап тур мен!» деп ыры, шүлүк мөөрейиниң тиилекчилерин шаңнап-мактаан.
«Эрзин дугайында эң дээре ыры» шаңналга бирги черге Владимир Серен (10000 рубль), ийиги черге Наталья Лопсан (7000 рубль), үшкү черге Шоолай Солангы (3000 рубль) төлептиг болган.
«Эң дээре ыры күүседкчизи» шаңналга бирги черни Минчээ Амар-Санаа (10000 рубль), ийиги черни Цэцэгделгэр Тегшээ (7000 рубль), үшкү черни Азияна Ондар Салчак (3000 рубль) ээлээн.
«Эң дээре ансамбль» шаңналга бирги черге «Элегия» ансамбли (10000 рубль), ийиги черге «Эрзин» (4000 рубль биле сертификат) биле "Куранның энелери" (Саян Дембирелден 5000 рубль биле хой, Марина Чикчиттиң өг-бүлезинден 5000 рубль) ансамбльдери, үшкү черге «Надежда» биле «Аян-Тудаал» ансамбльдери (3000-3000 рубль) төлептиг болган.
"Куранның энелери" ансамблиниң удуртукчузу Алдын-кыс Комбу. Мөөрейге киришкен ансамбьдерниң аразындан салым-чаяанныг улуг назылыглар коллективи көрүкчүлерниң сонуургалын чаалап алган.
Дээди шаңналды «Ак-Хайыракан» ВИА алган. Оларга 15000 рубльди тывыскан.
Эрткен сезоннуң Дээди шаңналының тиилекчизи Саян Дембирелден ыры, шүлүк мөөрейиниң 15 дипломант муң-муң акша шаңналдарын алган.
Мила Кунгаа, Болат Борбак, Александр Хумбун, Любовь Дүгер, Өлзей Ондар, Цэрин Монгуш олар тускай шаңналдарга төлептиг болган.
Мөөрейниң деткикчилери: Алдын-кыс Комбу, Ай-Оол биле Саяна Иргиттерниң өг-бүлези, Айдаш биле Чойгана Самдан, Марина Чикчит, Буян биле Александра Чикчит Айдыс биле Чойгана Аракчаа, Байыр Чикчит.
Бо чылын «Эрзинимни алгап тур мен!» деп ыры, шүлүк мөөрейин бир дугаар эрттиргенден бээр 25 чыл болган. Ук мөөрейни Эрзин кожууннуң 70, 75 чыл болган юбилейлиг чылдарында удаа-дараа эрттирип турган.
«Эрзинимни алгап тур мен!» деп ыры, шүлүк мөөрейин Тыва Республиканың Культура яамызы, Улусчу чогаадылга болгаш дыштанылга төвү, Эрзин кожууннуң чагырга чери, Культура эргелели, Тываның Чогаалчылар болгаш Композиторлар эвилелдери деткээн.
Чээрби беш чыл бурунгаар, 1996 чылда, шүлүк бижиир чогаадыкчы кижилерниң бирээзи Алдын-кыс Комбу ол үеде Эрзин кожууннуң чагырга даргазы албан-дужаалга ажылдап турган Екатерина Калга-Хөө-биле ужуражып, төрээн чериниң дугайында ыры, шүлүк мөөрейин эрттирер дугайында бодалдары-биле үлежип, арга-сүмезин киирген. Кожууннуң удуртулгазы чаңгыс чер-чурттуу болур шүлүкчүнүң киирген санал-оналын деткип, «Эрзинимни алгап тур мен!» деп мөөрейни чарлаан.
