Ада-чурттуң улуг дайынының үезинде Ровно хоорайга немецтерниң кол штавы турган. Совет дайынчылар Ровно дээш тулчуушкунга хөй чидириглиг-даа болза, дайын эгелээнден бээр 1944 ччылдың февраль 2-ге чедир фашистерге эжелеттирген хоорайны тыва эки турачыларның ачызында хостаан.
Ол төөгүлүг хүннү сактып, Тываның А. С. Пушкин аттыг национал ном саңының чурт шинчилел болгаш чогаал килдизиниң ажылдакчылары тыва эки турачыларның Ровно хоорайны хосташканындан бээр 80 чыл оюнга тураскааткан солун хемчегни эрттиргенин ном саңы дыңнаткан.
Ук хемчегге тыва маадырларның эрес-дидимин, кажар арганы ажыглап, фашистерге билдиртпейн станцияга чоокшулап келгеш, хенертен дидими-биле халдап киргениниң дугайында номчукчуларга сонуургаткан.
Тываның эрес-дидим оолдар-кыстарының канчаар тулчуп, тыва чоннуң Ада-чурттуң Улуг дайынынга дузалажып чораанының дугайында видео-материалды улуг-биче номчукчулар аажок улуг сонуургал-биле көрүп, дыңнааннар.
