Республикада ат-сураа билдингир башкылар, өөредилге адырының хоочуннары Анна Ооржактың база Светлана Шулуу-Маадырның «Өг-бүле байырлалдары» деп номун Национал школа хөгжүдер институт чырыкче үндүрген.
Өг-бүле байырлалдарын демдеглеп эрттирери амыдыралдың агымындан чарылбас чугула болгаш уттундурбас өөрүнчүг сактыышкын болур дээрзи билдингир. Өөредиглиг болгаш кижизидикчи утка шынарлыг эрткен өг-бүле байырлалы аныяк-өскенге үлегер-чижек болбушаан, кадык амыдыралдың оруун айтып берип турар.
Номнуң авторлары байыр-дойлар-биле чергелештир, тыва чоннуң езу-чаңчылдары, ужур-сагылгалар дээш өске-даа чугула херек угаадыглыг сургаал-чагыгларын номунда демдеглээн. Өг-бүле байырлалдарының езулалдарынга хамаарышкан тайылбырны бербишаан, ук езулалдарны байырлап демдеглээриниң чижек сценарийлерин кииргенин Национал школа хөгжүдер институт дыңнаткан.
Номну Национал школа хөгжүдер институттан садып ап болур.
Почётный донор из Тувы Сай-Суу Ондар совершила юбилейную, 50-ю сдачу крови
Жительница Тувы, обладательница звания «Почётный донор России» Сай-Суу Ондар провела свою юбилейную, пятидесятую по счёту, донацию.