Бөгүн Россияда Өг-бүле, ынакшыл болгаш шынчы чорук хүнүн байырлап турар. Өг-бүле кижиниң амыдыралында эң-не эргим болгаш үнелиг чүүл.
Кызылдың 9 дугаар гимназиязында Улусчу ужур-чаңчылдар
төвүнүң методизи, Россия Федерациязының ниити өөредилгезиниң хүндүлүг ажылдакчызы, Тыва Республиканың өөредилгезиниң алдарлыг ажылдакчызы Анна Ооржак өөнүң ээзи Хапыр-оол Амыр-Ашакович-биле кады чурттаанындан бээр 55 чыл болуп турарын Национал школа хөгжүдер институт дыңнаткан.
Ооржактарның кайызы-даа Тываның, тыва ниитилелдиң хөгжүлдезинге улуг үлүг-хуузун киирип, аныяк-өскенге үлегерин көргүзүп чоруур өг-бүле.
Анна Кыдат-ооловна – “Өг-бүле педагогиказы”, “Өг-бүле байырлалдары” деп номнарның, программаларның авторларының бирээзи болгаш ооң бодунуң бижээни “Чааваларым, кенээттерим” деп ному номчукчуларга аажок солун өөредиглиг болган.
Хапыр-оол Амыр-Ашакович даг курлавыры болбаазырадыр адырның хоочуну, амгы үеде Тываның даг руда компаниязында экскаватор башкарыкчызы. Назы-хары улгатса-даа ол бүгү назыда таакпы тыртып, арага ижип чорбаан, кадык амыдыралдың талалакчызы, өг-бүлезинде тайбың чараш овурун магадылап чоруур болганындан ам-даа чедиишкинниг ажылдап, кады ажылдап турары аныяктарга үлегер-чижек болуп чоруур.
Почётный донор из Тувы Сай-Суу Ондар совершила юбилейную, 50-ю сдачу крови
Жительница Тувы, обладательница звания «Почётный донор России» Сай-Суу Ондар провела свою юбилейную, пятидесятую по счёту, донацию.