Улуг-Хем кожууннуң Иштии-Хем сумузунуң хөй-ниитижи өг-бүлези Нина Ондаровна биле Николай Тулушевич каш янзы помидорлар болгаш перецтер өзүмнерин тарып алганын чагырга чери дыңнаткан. Олар «Өг-бүлениң шыгжамыры» төлевилелдиң киржикчилери.
Нина Ондаровна ажы-төлү-биле ногаа аймаан хөйү-биле тарааш, чылдың-на элбек дүжүттү ажаап алгаш, келир чылдың дүжүдүнге дээр кышкы үүжени хөй янзы кылдыр курлавырлап кылып алырлар.
Арга-дуржулгалыг огородчу энениң назыны чеже-даа улгады берген болза, ол ногаа өзүмнериниң болгаш чараш чечектерниң тарыкчызы.
“Частың чаңгыс хүнү бүдүн чылды чемгерер” дээр болгай. Өг-бүле бо чылын база элээн хөй өзүмнерни тарып олурткан. Олар ногаадан ангыда огородунда каттар – малина, виктория болгаш чүзүн-баазын өңнүг чечектерни хөйү-биле тарып турар.
