Эйлиг-Хем сумузунуң база бир дуржулгалыг ногаажызы, тыва дыл болгаш төрээн чогаал башкызы – Чейнеш Дөре.
Ажыл-ижи чеже-даа чымыштыг болза, чазын ногаа аймааның хөй үрезиннерин тарып алгаш, чайладыр огородун чемишчидип, элбээ-биле суггарып, ажаап тургаш, хөй дүжүттү ажаап алырын сумунуң херээженнер чөвүлелиниң удуртукчузу Рада Быштак-оол дыңнаткан.
Чейнеш Сидоровна ногаа аймаандан аңгыда башкы чечектер тарыырынга база ынак. Бажыңының иштинде болгаш даштында чараш чечектери янзы-бүрү кылдыр чечектелип, сагыш-сеткилди өөртүп турар.
Ногаажы малина, слива, инек-караа каттарын өстүрүп турар. Чылдың-на ногаа, кат-чимис аймааның дүжүдүнден өг-бүлеге шыгжамырларны хөйү-биле белектеп алыры аңаа чаңчыл болган.
