Бай-Тайга кожууннуң Бай-Тал сумузунуң хоочун чурттакчызы Бугалдай Карың-оол оглу Ооржактың бодалы-биле тыва дыл болгаш чогаал башкызы Меңги Ооржак үлешкен.
– Шаанда бистиң өгбелеривис соок четпес, бедик мээс черлерге кыштаар чораан.
Аңаа хүннээрек аяс дээр, чеңижок хөректээштиг кылаштап, өдек ажылы кылып турар, соок-даа чок.
Ишкээр Хемчик унунче көрүптерге хөлүгүр кара соок, -40,- 45 градус деп турар, бедик черлерде кыштагларга мал хүр кыштаар чораан. Шагаалапкаш, чазагларынче көжүп кирип кээр.
Ам шаанда чазап турган черлеривисте кыштап, соогун деп орар-дыр бис.
Бедикте кыштагларда телефон, интернет харын эки-ле-дир.
Оода соок айларны кедээргээ чоп эрттирип болбас деп, сүмелеп-ле орар мен, хүнүнде миннип кээрлер...
