Росхереглелхайгааралдың Тывада эргелели эрткен неделяның дөрт хонуунда республикада грипптен аараан 2124 кижи бүрүткеттингенин, ооң мурнунда неделяда ол көргүзүг 1005 кижи турганын дыңнаткан.
Аараан кижилерниң 1344-ү 14 харга чедир бичии уруглар. 223 бадыткаттынган таварылгаларның 77-зинде – грипптиң A(H1N1) хевири, азы хаван гриви, 139-унда – грииптиң чаа хевири база чедизинде – грипптиң В хевири бар.
Ооң-биле чергелештир коронавирустуң чаа хевиринден аараан таварылгалар демдеглеттингенин эмчилер айыткан. Эрткен неделяда коронавирустан 34 кижи аараан, лаборатория хүнде ортумаа-биле беш таварылганы бадыткап турар.
Республика эпидемиологтуг көргүзүгде четпээни бадыткаттынган. Тываның чурттакчыларның 63,3 хуузу тарыттырып алганындан, байдал эки болуп турар деп, эпидемиологтар тайылбырлаан.
Тываның Баштыңы Владислав Ховалыг Росхереглелхайгааралдың Тывада эргелелиниң хөй кижилер чыылган база хааглыг черлеринге камгалал маска кедер чурумну республикага чарлаар дээн саналын деткээнин сагындыраал.
Эмнелге, социал база өөредилге албан черлеринге камгалал маскаларны албан кедер. Ол ышкаш садыг, хөй-ниити чемненилгези, банк, күрүне болгаш муниципалдыг эрге-чагырга ажылдакчылары маскалыг болур.
Улуг кижилер аразында назылап кыраан улус – айыылдыг бөлүкте кирип турар. Республиканың эпидемиологтары эпидемияга удур хемчеглерни хажыт чок сагыырын сүмелээн.
Сегодня 100 лет со дня рождения композитора Алексея Чыргал-оола
Сегодня, 24 апреля, исполнилось бы 100 лет Заслуженному деятелю искусств РСФСР, Народному артисту Тувинской АССР, композитору Алексею Боктаевичу Чыргал-оолу.