Росхереглелхайгааралдың Тыва Республика талазы-биле эргелелиниң дыңнадып турары-биле алырга, сентябрь эгезинде республиканың поликлиникаларында сезоннуг грипптен камгалал тарылга эгелээн. Бөгүнге чедир 33 муң кижи тарыткан, планда – 199,5 муң кижи. Эпидемиологтар ажылдың темпизин улгаттырарын эмнелгелерге сүмелээн.
Чурттакчы чоннуң 60 хуузу тарылганы алыр ужурлуг. Камгалал тарылганың национал календары езугаар, бюджет акша-хөреңгизи-биле кадык камгалал, өөредилге, социал адыр ажылдакчыларын, сургуулдарны, шеригже кыйгыртып турарларны, хоочураан аарыгларлыг база 60 хардан өрү назылыг кижилерни тарыыр.
Бичии уругларга, улуг кижилерге, назылап кырааннарга, иштиг херээженнерге, аарып болур бөлүкке хамааржыр улуска дээш, тарыыр эмнер элээн каш хевирлерлиг. Тываның Кадык камгалал яамызы сентябрь 26 соонда чаа партия кээрин манап турар.
Республиканың консультация-диагностика төвүнге, бир дугаар болгаш уруглар эмнелгелеринге, төп кожуун эмнелгелеринге, кожууннар аразының медицина төптеринге күзелдиг кижи бүрүзү гриппке удур тарылганы салдырып ап болур.
Грипп халдавырынга удур эң-не дээштиг камгалал – тарылгада деп, эмчилер сагындырып турар. Тускай мергежилдиглер соокка алыспас дизе, холдарны чуп, өрээлдерни агаарладып, хөй кижилер чыылган черлер барбазын, шын чемненирин сүмелеп турар.
Путин выступил со срочным обращением
В ходе обращения Президент заявил о применении против РФ дальнобойного оружия Запада, а нанесение ударов по территории РФ западными дальнобойными ракетами придало конфликту на Украине черты глобально…