Тыва Республиканың хүнүнүң бүдүүзүнде Кызылда транспорт бүдүрүлгелериниң төлээлеринге «ГАЗ» биле «ПАЗ» маркалыг 12 чаа автобустуң дүлгүүрлерин тывыскан.
Тываның Баштыңы Владислав Ховалыг, РФ-тиң Транспорт яамызының автомобиль болгаш хоорай транспортунуң талазы-биле күрүне политиказының департамент директорунуң оралакчызы Виктор Остриков автобустар дамчыдар езулалга киришкен.
«Амыдырал инфратургузуу» национал төлевилелдиң «Хөй-ниити транспортун сайзырадыры» федералдыг программаның езугаар «Ареал» компанияның деткимчези-биле автобустарны садып алган.
Тыва Республика федералдыг программада бир дугаар киржип турар. Программа 50 муң ажыг чурттакчылыг хоорайларлыг регионнарга транспорт өртээниң 40 хуузунга федералдыг бюджеттен субсидия акшазын аңгылап, шимчеп чоруур составты садып алырын сүмелээн. Регионалдыг бюджеттен кады акшаландырар чарыгдалдарның хөй кезиин дуглаарынга инвесторнуң саң-хөө деткимчези дузалаан.
Тывада эрги автобустарны чаа автобустар-биле план езугаар солуп эгелээниниң түңнелинде, сөөлгү беш чылда пассажирлер аргыжылгазының автопарыгы 60 хуу чаарттынган.
Владислав Ховалыгның даалгазы-биле, чаа автобустарны ыраккы кожууннарда муниципалдар аразының маршруттарынче үндүрер. ТР-ниң Транспорт яамызы чурттакчыларның дилээнге даянгаш, «Кызыл – Суг-Аксы» база «Кызыл – Хандагайты» маршруттар-биле Сүт-Хөл болгаш Өвүр кожууннарже пассажирлер аргыжылгазын катап эгелээрин көрүп турар.
Финишная прямая к формированию новой Народной программы «Единой России»
22 августа в Москве состоится второй этап XXIII съезда «Единой России», на котором будет принята новая Народная программа партии.