Улуг-Хем кожуунда «Социал хөмүр-даш» төлевилели-биле бо чылын 210 өг-бүле оттулар чүүлдү алыр.
Шагаан-Арыг хоорайдан – 75, Хайыракандан – 24, Арыг-Бажындан – 17, Ийи-Талдан – 14, Торгалыгдан – 22, Чодураадан – 9, Эйлиг-Хемден –13, Арыг-Үзүүден – 18, Арыскандан – 11, Иштии-Хемден – 7 өг-бүле хөмүр-даш алыр даңзыда турар.
Ниитизи-биле кожууннуң хөй ажы-төлдүг өг-бүлелерге 450 тонна хөмүр-даш көрдүнген. «Кара алдынны» Ийи-Тал база Хайыраканның өрегелеринге дүжүрери арткан.
Ол ышкаш кожуунда долу эвес мөөңнээшкинче кыйгырткан хамаатыларның өг-бүлелеринге оттулар ыяш дузаламчызын чедирер ажыл база уламчылап турар.
Арыскан сумузунуң Адалар чөвүлелиниң даргазы Шолбан Санчай-оолга удурткан сумунуң адалары Шагаан-Арыг хоорайдан мөөңнээшкинче кыйгыртканнарның өг-бүлелеринге оттулар ыяш дузаламчызын чедирген. Сумуда хууда пилорамалыг Игорь Серин деткикчилээн.
