Барун-Хемчик кожууннуң чагырга чериниң дыңнадып турары-биле алырга, оттулар чүүл шыгжамырының оран-савазының ажылдары 80 хуу кылдынган. Бо үеде хөмүр-даш килдээр улуг деңзи манаттынып турар. Ооң уржуундан кожуун чону «кара алдынны» түр када Ак-Довурак хоорайда оттулар чүүл шыгжамырындан садып ап турар.
Хүнде үш КамАЗ 120 тонна хөмүрнү дүжүрүп турар. Бир тоннада өртээ 2949 рубль. Хөмүр чүдүрер автомашина үрелгени-биле чаа техника айтырыы келир неделяның эгезинге чедир шиитпирлеттине бээрин чагырга чери бүзүреткен. Амдыызында хууда сайгарлыкчы хөмүрнү чүдүрүп турар.
Ажылдаар чуруму: понедельниктен пятницага чедир 9.00 шактан 17.00 шакка, субботада 9.00 шактан 13.00 шактарда чедир ажылдаар.
Тываның студентилери буддийжи университеттерде
Дээди өөредилге черлериниң студентилери буддизмниң философиязын, медициназын болгаш сарыг шажын уран чурулгазын өөренип турар.