Амгы үеде хоорайдан дашкаар 17 лагерьде 4079 уруг база 135 хүндүскү лагерьде 11938 уруг хаара туттунган. Ниитизи-биле республикада 152 чайгы лагерьде 16017 уруг дыштанып турарын ТР-ниң Өөредилге яамызы дыңнаткан.
«Хүн, агаар база суг – бистиң шынчы өңнүктеривис!» деп кыйгырыг-биле бо хүнде Тываның уруглары хүндүскү болгаш хоорайдан дашкаар дыштанылга лагерьлеринде дыштанып турар.
Улуг-Хем кожууннуң “Чодураа” дыштанылга лагеринде уругларга “Караңгыда кызаңнааш” деп солун шериг-спортчу оюнну эрттирген. Уруглар аңаа улуг сонуургал болгаш хөглүг хөөннүг киришкеннер. Чеже-даа уруглар лагерьде каш-ла хонган болза, командалар бот-боттары дээш, чаңгыс эп-найыралдыг, тура-соруктуг болуп, чүгле тиилелге дээш, идепкейлиг киржип, боттарының шалыпкынын, эрестиин көргүскен.
Чайгы дыштанылга программазынче экскурсиялар, шериг-спортчу оюннар, мөөрейлер, “Танцы-сам хүнү”, “Салым-чаяан хүнү”, “Бис кадык амыдырал дээш бис!” дээш оон-даа өске солун болгаш ажыктыг хемчеглер кирген.
#Чайгыкадыкшыдылгакампаниязы_2022 #Өөредилгеяамызы #Улуг_хемкожуун #ТМГМедээлер #Тыва #Тывамедээ #Тывадыл #Тывамедиагрупп #Тува #Tuva #TMG #TMGNEWS #Tuvanews
