Чөөн-Хемчик кожууннуң Хайыракан суурда чаа фельдшер-акушер пунктузун «Идепкейжи узун назын» национал төлевилелдиң кадык камгалалының эгеки чаданың чаартылгазы программазы-биле тудуп турар.
Хайыракан суурда чаа фельдшер-акушер пунктузун 2025 чылдың октябрьда дужаары планнаттынган. Объектиде белеткел ажылдары доозулган, оран-саваның кол өзээн тудуп, коммунал четкилерни кожуп, серизин база инженер системаларын салган. Иштики шеверлел ажылдары доозулгалак, чоок-кавы девискээрин чаагайжыдары арткан.
Үжен үш чыл стажтыг эмчи Татьяна Ондар пунктунуң эргелекчизинде томуйлаткан. Ында 800 ажыг улуг кижи болгаш 900 хире уруг быжыглаттынган.
