Бөгүн «Тайга» станциязынга «Хар ирбижи – 2023» хаак чарыжының VI маргылдаазы эгелээр. Хаак чарыжының хүндүлүг аалчызы – олимпий оюннарының биатлонга ийи дакпыр чемпиону, Россияның алдарлыг спорт мастери, делегей чемпионадының мөңгүн медалының ийи дакпыр эдилекчизи Евгений Устюгов.
Чыл санында эртип турар чаңчылчаан маргылдаа ачы-буян сорулгалыг: ирбиштиң чурттап турар бойдузунга болгаш девискээринге камныг болурунче кичээнгейни хаара тудар. Алды дугаар эртип турар маргылдааны Тываның девискээринде ховар амытанны камгалап арттырарынга тураскаадып эрттирер.
Хаакчылар 10-50 километр хемчээлге чаржыр. Чүс ажыг спортчу маргыладаага киржир. Хакасиядан, Красноярск крайдан, Новосибирск база Москва областарындан спортчулар келир. Оларның бирээзинге РФ-тиң спорт мастери Михаил Сорокинни хамаарыштырып болур.
Маргылдааның ажыдыышкынын 10.30 шакта планнаан. Старт 11.00 шакта. Марафонну Тыва Республиканың Спорт яамызының, Кызыл хоорай мэриязының база “Тыва” бойдус парыгы” РКБА-ның деткимчези-биле ТР-ниң хаак чарыжының федерациязы база Бүгү-делегейниң черлик бойдус фондузунуң Россияда Алтай-Саян салбыры (WWF) эрттирип турар.
Почётный донор из Тувы Сай-Суу Ондар совершила юбилейную, 50-ю сдачу крови
Жительница Тувы, обладательница звания «Почётный донор России» Сай-Суу Ондар провела свою юбилейную, пятидесятую по счёту, донацию.