Улуг-Хем кожууннуң Ийи-Тал суму чагыргазы болгаш сумуларның адалары хоккей ойнаар шөлдү орай дүнеге дээр дескилеп, көрүнчүк дег кылаң дошту белеткээнин чагырга чери дыңнаткан.
Чадаг хоккей маргылдаазынга ниитизи-биле тос херээжен команда чыглып келген. Командаларны ийи аңгы бөлүкке чаргаш, долгандырыг хевиринге ойнаткан.
Чидиг демиселдиң түңнелинде, черле хоккей спортун сайзырадып турар суму болгаш, херээжен ойнакчылар база Ийи-Талдың адын сыкпайн, аныяктар командазы бирги черни бүзүрелдии-биле чаалап алгаш, 20 муң акша-биле шаңнатканнар.
Ийиги черге Ийи-Талдың аграр школазының (15 муң акша), үшкү черге Шагаан-Арыгның 2 дугаар школазының командалары (10 муң акша) төлептиг болган.
Улуг-Хем кожууннуң чагыргазы деткикчилээн.
