Эртен бистиң чуртувус ыдык байырлал – Улуг Тиилелгениң 78 чылын демдеглээр. Байырлал бүдүүзүнде ТР-ниң күш-ажыл болгаш социал политика сайыдының оралакчызы Орланмай Куулар Таңды кожууннуң Балгазында Ада-чурттуң Улуг дайынының киржикчилеринге деңнеп каан хоочун Илларион Васильевич Шелеповка ишчилеринге хүндүткелин илередип, байырын чедирген.
Илларион Васильевич 1928 чылда Тыва АССР-ниң Балгазын сумузунга хөй ажы-төлдүг өг-бүлеге төрүттүнген. 1950 чылдың марта 15-те Совет Эвилелиниң чепсектиг күштериниң одуруунче кыйгырткан. Ол Чита болгаш Иркутскиге шериг албан-хүлээлгезин эрттирген соонда, Ада-чуртун Кореяга камгалап турган.
Хоочун өгбениң хөрээн хөй санныг орден, медальдар каастап турар.
Тываның студентилери буддийжи университеттерде
Дээди өөредилге черлериниң студентилери буддизмниң философиязын, медициназын болгаш сарыг шажын уран чурулгазын өөренип турар.