ТР-ниң Дээди Хуралының Даргазы Кан-оол Даваа Башкортостан Республиканың Уфа хоорайда эртип турар Россия биле Беларусьтуң регионнарының Х шуулганынга киришкен.
«Торатау» конгресс-холлга Россия Федерациязының Федералдыг Хуралының Федерация Чөвүлелиниң Даргазы Валентина Матвиенко биле Беларусь Республиканың Национал хуралының Республика Чөвүлелиниң Даргазы Наталья Кочанова оларның Россия биле Белоруссияның регионнарының күрүне эрге-чагырга органнарының удуртукчулары-биле ужуражылгазы болуп эрткен.
Ужуражылга доозулган соонда, Россия биле Беларусьтуң регионнарының Х шуулганының хуралы «Россия биле Беларусьтуң шуулганының 10 чылы: түңнелдер болгаш кылып болгу ажылдар» деп тема-биле эрткен.
Шуулган үезинде Кан-оол Даваа Россияның субъектилериниң хоойлужудулга органнарының чамдык удуртукчулары-биле ажылчын ужуражылгаларны эрттирген. Оларның аразында Татар Республиканың Күрүне Чөвүлелиниң Даргазы Фарид Мухаметшин, Алтай Республиканың Күрүне Хуралының – Эл Курултайының Даргазы Артур Кохоев дээш өскелер-даа бар.
