Ак-Талдың ном саңынга Биче-оол Монгул-оолдуң 85 хар оюнга тураскааткан "Хуулгаазын демир-үжүктүң чалгыны" деп кожуун чергелиг шүлүк мөөрейи болуп эрткенин ном саңы дыңнаткан.
Биче-оол Кыргысович Тыва Республиканың алдарлыг ажылдакчызы, шылгарангай спортчузу, спорттун национал хевирлеринге РСФСР-ниң спорт мастери, хурешке Сибирьниң болгаш Ыраккы Чөөн чүктүң каш дакпыр чемпиону, бокска бирги разрядчы турган.
Тываның ат-сураглыг мөгези республика солуннарының идепкейлиг бижикчизи, "Улуг-Хем" солуннуң штаттан дашкаар корреспондентизи. Культураның салым-чаянныг, уран сөстүң хоочуну, шүлүкчү, Улуг-Хем кожууннуң билдингир, ат-сураглыг, алдарлыг оглу. Ооң бижээн чечен-мерген шүлүктерин киржикчилер көрүп, келген чонга чедимчелиг, чараш кылдыр күүсеткеннер.
Бирги черни бүзүрелдии-биле Онмас Чалбаа ("Калчан-Хоорум") чаалап алган. Ийиги черге Сайлан Эртине ("Хүрегечи аржааным"), үшкү черге Мерген Дандар-оол ("Чеди-Хөлүм") төлептиг болганнар.
Ак-Талдың ном саңынга чогаалчы Б.К. Монгул-оолга тураскааткан мөөрей бедик деңнелге эрткенин чыылганнар демдеглээн.
