Улуг-Хем кожууннуң Ийи-Тал сумузунга ча адар оюннуң баг адар хевиринге маргылдааны эрттиргенин чагырга чери дыңнаткан.
Маргылдаага 15 адыгжы киришкен. Адыгжыларның сүлде-сүзүү бедик болзун дээш, оюнну саң салыр езулал-биле эгелээн.
Тус черниң часпас адыгжылары маргылдаага идепкейлиг киржип, улуг сонуургалын көргүскен.
Бирги черни Азиат Санчы хөй санны часпайн аткаш, чаалап алган. Ийиги черде Мерген Манзырыкчы, 3-4-кү черлерге Буян Сотпаяк биле Аюр Иргит төлептиг болган.
Ча адар оюнну моон соңгаар уштап-баштаары-биле республикада шыырак багжыларның бирээзи, Мерген Манзырыкчыны Ийи-Талдың ча спортунуң федерация даргазынга томуйлаан.
