Тыва дыл хүнүнге тураскааткан VIII шуулганының «Тыва дылдың албан езу-биле доктааттынган адырларда болгаш массалыг информация чепсектеринде ажыглалы» деп үшкү шөлчүгештиң ажылынга Национал школа хөгжүдер институттуң ажылдакчызы А.К. Салчак «Кеземче суд чорудулгазында тыва дылдың ажыглалы» деп илеткелди номчаанын институт дыңнаткан.
Илеткелчилер үениң негелделеринге дүүштүр шиитпирлээр ужурлуг чидиг айтырыгларны демдеглеп көдүрген. Тыва ниитилелдиң бурунгаар көрүштүг төлээлери илеткел бүрүзүн шупту талазындан сайгаргаш, саналдарын киирип идепкейлиг ажылдаан.
Тываның гуманитарлыг болгаш тускай социал-экономиктиг шинчилелдер институдунуң эртем ажылдакчызы О.М. Сааяның илеткелинде хоойлужудулга талазы-биле шиитпирлээр ужурлуг айтырыгларны ол-ла шөлчүгешке ТР-ниң Дээди Хуралының депутады А.К. Монгуштуң киржилгези-биле шиитпирлеттинген. Ажылдың түңнелдерин киржикчилер сүмележип тускайлааш, шуулганның шиитпиринче киирер деп бадылаан.
