Бөгүн Иркутская кудумчузунда садыг инфратургузуунга көрдүнмээн көдээ ажыл-агый рыногун хагган. Тываның чер болгаш өнчү-хөреңги сайыдының оралакчызы Өлчей Ондар ук чер участогу күрүне өнчүзүнде болгаш ооң ажыглалының хевири – хөй каът чуртталга тудуу деп дыңнаткан.
Көдээ ажыл-агый бүдүрүкчүлеринге, сайгарлыкчыларга болгаш чурттакчы чонга таарымчалыг байдалды тургузары-биле хагдынган рыноктуң чанында «Южный» деп чаа көдээ ажыл-агый рыногун ажыдар. Адрези: Лопсанчап кудумчузу, 37/8.
Күзелдиг улус аңгы төлевир-биле садып алган эъдин оонактадып, эът тыртар машинага эъдин тыртыртып ап болур. Ук ачы-дузаны чедирери-биле тускай дериттинген оран-саваны аңгылаан. Ол ышкаш рынокче кирер черде хереглекчилерге хыналда деңзилерни тургузар. Рыноктуң девискээринде арыгланып-аштаныр чер база бар.
«ТуваМедиаГрупп» медээлер агентилелиниң чуруктары
