Өвүр кожууннуң Хандагайты суурнуң девискээринде «Көдээ девискээрлерниң комплекстиг хөгжүлдези» федералдыг программаның чорудуу-биле «Россия – Тыва» тураскаалды байырлыг байдалга ажытканын чагырга чери дыңнаткан.
Кожууннуң удуртулгазы өвүржүлерге байыр чедирип, тудугжуларга Өөрүп четтириишкин бижиктерин тывыскан.
Россия биле Моол күрүне кызыгаарында тураскаалды долгандыр дыштанылга девискээрин база чаагайжыткан.
«Тардан-Голд» кызыгаарлаан харыысалгалыг ниитилел биле кожуун чагыргазының аразында чарган дугуржулга езугаар алдын тывыш компаниязы төлевилелдиң бюджеттен дашкаар кезээн акшаландырарынга дузаны чедирген.
