“Көдээ черлерниң комплекстиг хөгжүлдези” күрүне программазының чорудуу-биле бо чылын республиканың он кожуунунда 594 дөрбелчин метр чуртталга бажыңнарының тудуу чоруттунуп турарын ТР-ниң экономиктиг хөгжүлде болгаш үлетпүр яамызы дыңнаткан.
“Албан чериниң чуртталга бажыңы” программазының ачызында көдээ черлерде ажылдап турар тускай мергежилдиглер оран-бажыңының байдалын экижидип алыр аргалыг. Оран-сава таарымчалыг байдалга чурттаарынга чугула системалар-биле дериттинген.
Барыын-Хемчик кожууннуң чагыр чериниң дыңнадып турары-биле алырга, Кызыл-Мажалыкта 54 дөрбелчин метр чуртталга бажыңын сумунуң 2 дугаар школазының география башкызынга хөлезилел керээзи-биле дамчыдары планнаттынган.
Улуг-Хемниң чагырга чери Шагаан-Арыгда албан чериниң бажыңынче мал эмчизинге көжүп кирер. Бажың алган хөлезилекчилер беш чыл ажылдааш, ажыл берикчизи-биле күш-ажыл керээзи езугаар оран-саваны боттарының өнчү-хөреңгизи кылдыр дедир садып алыр эргелиг болур.
Көдээ черлерни хөгжүдерин деткээн бо программа Тывага дыка улуг ужур-дузалыг. Программаны узатканы республикага оон-даа хөй төлевилелдерни боттандырар арганы бээр.
В Туве продолжается мониторинг водных объектов
Накануне в систему 112 поисково-спасательной службы поступил тревожный звонок о том, что на правом берегу реки Енисей, напротив базы ГИМС, двое детей играли на льду.